29 Кулун тутар 29.03
  • -10°
  • $ 92,26
  • 99,71

Аллайыаха улууһугар оттук сезонун атырдьах ыйын 8 күнүттэн саҕалыахтара

15:01, 04 августа 2020
Текст:
Читайте нас на
Яндекс Новости
ЯДВ

Аллайыаха улууһугар оттук сезонун атырдьах ыйын 8 күнүттэн саҕалыахтара. Кыстыкка бэлэм түмүктэнэн эрэр: оттук, уу, канализация ситимнэрэ, хочуолунайдар өрөмүөннэннилэр. Нычалаах нэһилиэгэр саҥа хочуолунай үлэҕэ киириэ. Бу туһунан ulus.media суруйар.


«Уон хочуолунай, биир водозабор, биир канализационнай ыраастыыр тутуу, 16,5 км уу ситимэ, 3,51 км канализация уонна 19,29 км оттук ситимнэрэ бэлэмнэннилэр», — диир ОДьКХ Аллайыахатааҕы салаатын дириэктэрин э.т. Александр Кузьмин.

Улуус киинигэр оттук ситимэ 90% бэлэм. Манна тымныы уу ситимин уларытыы, ититии 173 миэтэрэҕэ оҥоһуллубут.

Былырыын саас тутуллан саҕаламмыт Нычалаах хочуолунайа быйылгы оттук сезонугар бэлэм. Итиини балаҕан ыйын 30 күнүн иннинэ биэриэхтэрэ.

Аҕыйах хонугунан хотугу навигация саҕаланыа. ОДьКХ Аллайыахатааҕы салаата таһаҕаһы тутарга бэлэм.

Следите за самым важным и интересным в Telegram-канале и WhatsApp-группе ЯСИА