58 саастаах Дьокуускай олохтооҕо, “Северная перспектива” ХЭТ урукку дириэктэрэ масыанньыктааһыҥҥа уонна 1,6 мөл солкуобайы сиэһиҥҥэ буруйданар.
2014 с. кулун тутар 3 күнүгэр буруйдаах киһи Аллайыаха улууһун дьаһалтатын кытта 2014 с. бэс ыйын 1 күнүгэр диэри дьаһалта дьиэтин тас өттүн өрөмүөннүүр-тутар үлэҕэ хантыраак түһэрсибит. Бу күн хантыраак усулуобуйатыгар олоҕуран, 1 601934,27 солкуобайы ылбыт.
Ыйыллыбыт болдьоххо бэдэрээтчит тэрилтэ эбэһээтэлистибэтин толорботох. Ылбыт харчытын бу киһи бэйэтэ туттубут.
Холуобунай дьыала суукка бэриллибитин туһунан борокуратуура иһитиннэрэр.
СИА.
