Сылын аайы өрөспүүбүлүкэҕэ оттук сезонун бастакынан Саха Өрөспүүбүлүкэтин олох-дьаһах хомунаалынай хаһаайыстыбатын Аллайыахатааҕы филиала саҕалыыр. Бүгүн, атырдьах ыйын 8 күнүгэр, тэрилтэ бирикээһинэн уон хочуолунай үлэлээтэ, 93 социальнай суолталаах эбийиэккэ уонна 199 элбэх кыбартыыралаах дьиэҕэ сылаас бэрилиннэ. Ол туһунан тэрилтэ пресс-сулууспата суруйда.
«Сүрүн сорукпут — сылааһынан уонна уунан хааччыйар эбийиэктэри уочараттаах оттук кэмигэр хаачыстыбалаахтык бэлэмнээһин уонна кэмигэр холбооһун. Өрөмүөн бырагырааматын туолуута уонна уматыгы тиэйэн аҕалыы хонтуруолга тутуллар», — диэтэ тэрилтэ генеральнай дириэктэрэ Виталий Чикачев.
Тылбаас: Полина Николаева, СИА.
This post was published on 08.08.2025 14:33 14:33