Атырдьах ыйын 8 күнүгэр Аллайыаха улууһугар оттук сезона саҕаланна. Ыйтан эрэ ордук тохтобул кэм иһигэр өрөмүөн үлэтэ, аныгыскы кыстыкка бэлэмнэнии барар. Быйыл уон котельнай, водозабор, канализационнай ыраастыыр тутуу, 16,5 км уу ситимэ, 3,51 км канализация уонна 19,29 км оттук ситимнэрэ бэлэмнэннилэр.
Коммунальнай хаһаайыстыба үлэһиттэрэ хас эмэ котельнайга насоһун, турбатын уларыппыттар, Чокурдаах 3№-дээх котельнайыгар кыамтатын үрдэтэр сыалтан икки котлоагрегаты туруордулар. Улуус киинигэр 100 п.м. элбэх ититии уонна 173 п.м тымныы уу ситимнэрин уларыта тутан оҥордулар. Нычалаах, Оленегорскай, Русскай Устье нэһилиэктэригэр ититии ситимнэрин саҥартылар.
ОДьКХ Аллайыахатааҕы салаатын дириэктэрин э.т. Александр Кузьмин былааннамыт үлэ кэмигэр бүппүтүн, оттук миэстэлэригэр тиэрдиллибитин этэр.
This post was published on 10.08.2020 15:01 15:01