Саха сирин бырайыага — AYANA нуучча-эбэҥки тылбаасчыта — «Алиса» виртуальнай куолас көмөлөһөөччүгэ холбонно. ЯСИА-ҕа оҥорон таһаарааччы Николай Апросимов эппитинэн, үлэ билигин тест эрэһиимҥэ барар, искусственнай интеллект дааннай баазатын ылынар.
AYANA бырайыак «Сделано в России — 2023» бириэмийэҕэ «Наука и технологии» номинацияҕа претендент буолбута, «Сильные идеи для нового времени» пуорум топ киирбитэ.
Николай Апросимов этэринэн, эбэҥки тылын харыстыырга уонна тыыннаах хаалларарга хайаан да цифровизация наада. Информацияны барытын хомуйан, мобильнай буоларыгар усулуобуйа тэрийэн, туттарга боростуой уонна судургу буоларын хааччыйыллыахтаах.
«Маруся»-ҕа холбонуу эмиэ тест эрэһиимигэр үлэлиир.
