«Алина» диэн олимпийскай чөмпүйүөн Алина Кабаева тэрийэр уус-уран гимнастикаҕа фестивала быйыл 9-с төгүлүн Москваҕа ыам ыйын 2 күнүгэр ыытылынна.
Манна Саха сириттэн «Violete» (сал. Виолетта Иванова) спортивнай кулууп иитиллээччилэрэ кытыннылар. Бу туһунан kerekuo.ru портал суруйар.
Бэстибээл тиэмэтэ — нуучча остуоруйата. Саха оҕолоро «Кыһыҥҥы остуоруйа» диэн хореографическай туруорууну көрдөрдүлэр.
«1995 с. Москваҕа дьарыктана кэлбиппэр, уус-уран гимнастика манна эрэ баара, билигин — региоҥҥа барытыгар. Саха сириттэн оҕолор уон чааһы быhа көтөн кэллилэр. Төһөлөөх киэҥ дойдулаахпытый?! Саха сиригэр маннык үчүгэй оскуолалар уонна талааннаах оҕолор баалларыттан олус үөрэбин«, — диэбит Алина Кабаева.
This post was published on 04.05.2017 12:00 12:00