Спорт үрдүкү маастарыстыбатын оскуолатын иитиллээччитэ Алексей Копылов АХШ-ыгар ыытыллыбыт норуоттар икки ардыларынааҕы турнир кыайыылааҕынан буолла.
Ыам ыйын 18-20 күннэригэр Нью-Йорк штат Лейк Плэсид куоратыгар ыытыллыбыт «The Miracle on the mat» диэн көҥүл тустууга турнирга АХШ, Арассыыйа, Казахстан, Монголия, Италия, Франция, Испания, Канада, Перу уо.д.а. дойдулар эдэр бөҕөстөрө күрэс былдьастылар.
Европа, аан дойду түһүлгэлэрин кыайыылааҕа Алексей Копылов үс американеһы, франзуһу, канадеһы илиилээх-атахтаах оҥорбото – 10:0 ахсаанынан баһыйа тутаттаан, 57 киилэҕэ диэри ыйааһыҥҥа чөмпүйүөн аатын ылла.
Кинини сэргэ Арассыыйа хамаандатыттан Магомед Батрутдинов (54 кг) боруонса, Юрий Аракелян (72 кг) үрүҥ көмүс мэтээллэри ыллылар.
Роман Попов, edersaas.ru
0
1
