13 От ыйа 13.07
  • 15°
  • $ 87,74
  • 95,76

Александр Жирков Монголия делегациятын кытта көрүстэ

13:44, 09 июля 2016
Текст:
Читайте нас на
Яндекс Новости
ЯДВ

Государственнай Мунньах (Ил Түмэн) бэрэссэдээтэлэ Александр Жирков Монголияттан кэлэ сылдьар делегацияны кытта көрүстэ.


Монголия уонна Саха сирэ хардарыта сибээстэрэ 1993 сылтан ыла олохтоммута. Онно экономика, доруобуйа харыстабылын, тыа хаһаайыстыбатын, наука уонна култуура боппуруостарыгар кэккэ сөбүлэһиилэр түһэрсиллибиттэрэ.

2011 сыл бэс ыйыгар «Олимпийн гараа»- «Олимпийские надежды» турнир ыытыллыбыта. Онно Саха сириттэн 9 боксер кыттыбыта.

Монголия спортсменнара «Азия оҕолоро» түөрт Оонньууга кыттыбыттара.

«Олоҥхо дойдутугар ЮНЕСКО чулуу айымньыларын көрсүһүүлэрэ» фестивалга «Уртын Дуу» толордулар уонна морин хуур инструмеҥҥа оонньоотулар.

Александр Жирков РФ уонна Монголия хардарыта сибээстэрэ улахан суолталааҕын туһунан эттэ. Олох бары эйгэтигэр хардарыта барыстаах дуогабардар түһэрсиллэллэрин ыйда.

«Азия оҕолоро» VII-с спортивнай оонньуулар 2020 сылга Монголияҕа ыытылларын санатар оруннаах.

Дойду премьер-миниистирэ Дмитрий Медведев, «Азия оҕолоро» норуоттар икки ардыларынааҕы кэмитиэтин президенэ Дмитрий Глушко, Монголияҕа доруобуйа харыстабылын, спорт миниистирэ Самбуу Ламбаа уонна Монголия национальнай олимпийскай кэмитиэтин генеральнай сэкэритээрэ Оттонтцагаан Джугдэр итиниэхэ тустаах дуогабары түһэрсибиттэрэ. Итини таһынан Монголия уонна Саха сирин парламеннара бииргэ үлэлиэхтэрэ.

Следите за самым важным и интересным в Telegram-канале и WhatsApp-группе ЯСИА