29 Кулун тутар 29.03
  • -11°
  • $ 92,26
  • 99,71

Александр Ким-Кимэн саҥа болдьоххо талылынна

Читайте нас на
Яндекс Новости
ЯДВ

Дьокуускайга Арассыыйа юристарын ассоциациятын регионнааҕы салаатын Сэбиэтин саҥа састаабын таллылар уонна салгыы үлэни былааннаатылар, диэн СИА кэпсиир.

Мунньахха 22 юрист талылынна. Саҥа болдьоххо бэрэссэдээтэлинэн юридическай наука докторын, профессоры Александр Ким-Кимэни таллылар. Кини бастакы солбуйааччыларынан Ольга Романова уонна Иван Негнюров буоллулар. Солбуйааччылар-Юрий Бацев, Александр Олзоев уонна Андрей Корякин. Исполком бэрэссэдээтэлинэн Вероника Томосова талылынна.

Ону тэҥэ, Арассыыйа юристарын ассоциациятын VII съеһигэр делегаттарынан Саха сирин вице-премьерэ Ольга Балабкина уонна «Туймаада-нефть» юридическай сулууспатын начальнига Андрей Корякин талылыннылар.

Тэрээһин чэрчитинэн, Саха сирин юристара бэйэлэрин үлэлэрин былааннаатылар, ол иһигэр съезкэ бэлэмнэннилэр, ону тэҥэ олохтоох отделениелары тэрийэргэ уонна нэһилиэнньэҕэ босхо юридическай көмөнү оҥорууга үлэ күүһүрүүтүн туһунан кэпсэттилэр.

Следите за самым важным и интересным в Telegram-канале и WhatsApp-группе ЯСИА