Алдан улууһугар кулун тутар 28 күнүттэн куһаҕан суоллаах-иистээх уонна уһук сытар нэһилиэнньэлэргэ болдьох иннинэ куоластааһын саҕаланна. Оройуон баһылыгын быыбара муус устар 17 күнүгэр анаммыта диэн Саха сирин Избиркома биллэрэр.
ИКМР бэрэссэдээтэлэ Виктория Мизина иһитиннэриитинэн, бастакы болдьох иннинэ куоластааһыҥҥа УИК Н36 чилиэттэрэ Хатыстыр, Сагдяя-Тогурук-Хатыстыр хайысхатынан үлэлии таҕыстылар. Бу эҥэр Инохова Ю. Д. уонна Корнилова П. А. общиналар бааллар.
Айан суола ыраах уонна ыарахан буолла: хамыыһыйа бэрэссэдээтэлэ Гаврил Гермогенов уонна быһаарыылаах куоластаах хамыыһыйа чилиэнэ Надежда Иванова УАЗ массыынанан 8 чаас айаннаатылар, онтон «Буранынан» — 11 чаас. Бу маршрукка барыта 8 табаһыт куоластаата.
