«Алдан» киинэ Ю. Н. Озеров аатынан ХХІ Норуоттар икки ардыларынааҕы байыаннай киинэ бэстибээлигэр Евгений Родионов анал бирииһи ылла.
«Анал байыаннай дьайыы геройдарыгар аналлаах “Алдан” киинэ байыаннай киинэҕэ патриотизм тиэмэтин кырдьыктаахтык көрдөрбүтүн иһин наҕараадаҕа тигистэ», — диэн өрөспүүбүлүкэ бырабыыталыстыбатын бэрэссэдээтэлин солбуйааччы Анатолий Семенов хамаанданы ситиһиилэринэн эҕэрдэлээн бэлиэтээтэ.
Бирииһи киинэ режиссера Дмитрий Кольцовка туттардылар. Кини бэстибээл дьүүллүүр сүбэтэ Саха сирин уонна Запорожскай уобалас холбоһуктаах бырайыагын идеологическай фроҥҥа фашизмы утары охсуһууга кылаатын үрдүктүк сыаналаабытын бэлиэтээтэ.
Бэстибээл Россияттан, Беларусьттан, Казахстантан, Кытайтан уонна Сербияттан 80-тан тахса байыаннай-патриотическай киинэни хомуйан, биһиги кэммитигэр маннык айымньылар суолталарын тоһоҕолоон бэлиэтиир.
Бэстибээл быйыл Аҕа Дойду Улуу сэриитигэр Кыайыы 80 сылыгар, Россияҕа Аҕа дойдуну көмүскээччи Сылыгар уонна Туланы геройдуу көмүскээһиҥҥэ ананна.
