Бэнидиэнньиккэ “Алдан куорат” МТ баһылыга Александр Бугай кыстыкка кыһалҕалаахтык үлэлээбит хочуолунайдарга сылдьан, бэлэмнэнии хаамыытын билистэ.
АРМЗ хочуолунай учаастагын начаалынньыга мэргэ насос тэрилин көрдөрдө уонна биэс оробуочай туох үлэни ыыппытын кэпсээтэ.
“Бүгүн тэрили хаһаайыстыбаннай ньыманан өрөмүөннүүбүт. Хочуолунайбыт хапытаалынай өрөмүөнүгэр сыһыаннаах иһитиннэриини ыла иликпит, бэдэрээтчит биллибэт”, — диэн Киин хочуолунай начаалынньыга И.В.Золотарев мэргэ эттэ.
Мэр Александр Бугай хочуолунай тэрилигэр хапытаалынай өрөмүөн ыытыллара наадатын тоһоҕолоото. Ити кыаллыбатаҕына, кыһын дьиэлэр эмиэ тымныы буолар кутталлаахтар. Онон кини ОДьКХ министиэристибэтигэр сурук ыыппыт.
Лена Ивкина.
