Саха сирин спорт кыһыҥҥы көрүҥнэригэр V Спартакиада финала Алдаҥҥа уонна Нерюнгрига кулун тутар 25 — 31 күннэригэр ыытыллар.
Уон көрүҥҥэ 2,5 тыһ тахса күүстээх спортсмен кыттара былааннанар. Ол туһунан регион салалтатын пресс-сулууспата иһитиннэрдэ.
Күрэхтэһии балаһыанньата бигэргэннэ. Финалга маннык көрүҥнэр киирдилэр: хайыһар, хайыһарынан спортивнай ориентирование, биатлон, хоккей, шорт-трек, хайанан хайыһар спорда, хотугу троеборье, сноуборд, хаҥкы, кыһыҥҥы многоборье.
Спартакиада финалыгар муниципальнай тэриллиилэр уонна куорат уокуруктарын хамаандалара кытталлар. Түөрт бөлөххө араарыы баар буолуоҕа.
