Бүгүн, сэтинньи 14 күнүгэр, саха литэрэтиирэтин уонна драматургиятын төрүттээччи, бэйиэт, прозаик Анемподист Софронов-Алампа төрөөбүт күнүгэр, кини аатынан «Алампа» бириэмийэни туттарыы сиэрэ-туома ыытылынна, суруйда Саха сирэ саайт.
Долгутуулаах дьоро күн тэрээһинэ Былатыан Ойуунускай аатынан Литература түмэлигэр буолла. Норуот көҕүлээһининэн, айар интэллигиэнсийэ төрүттээбит бириэмийэтэ сэттис төгүлүн туттарыллар.
Тэрээһини «Саха» НКиХ ыытааччылара Ньургуйаана Ботуева уонна бүгүн төрөөбүт күннээх Роман Алексеев ыыттылар.
Быйылгы кыайыылаахтарынан кимнээх буоллулар?
- «Уран тыл» — суруйааччы Ольга Корякина-Умсуура;
- «Дэгиттэр режиссер» — Прокопий Неустроев (Опера, балет тыйаатыра);
- «Дархан ойууһут» — Надежда Федулова;
- «Киинэ эйгэтин чыпчаал үлэһитэ» — Михаил Лукачевскай;
- «Идэтигэр сүдү бэриниилээх» — Августина Филиппова, Борис Неустроев-Мандар Уус;
- «Чаҕылхай артыыска» — Изабелла Николаева (Саха тыйаатыра);
- «Чаҕылхай артыыс» — Степан Федоренко (Нуучча тыйаатыра);
- «Суруйааччы» — бэйиэт Мария Алексеева-Арылы Дуйдаах;
- «Ырыа айааччы» — Алексей Потапов;
- «Алампаҕа сүдү бэриниилээх» — Василий Сивцев (скульптор, Красноярскай).
Сиһилии «Саха сирэ» хаһыат аныгыскы нүөмэригэр, сэтинньи 21 күнүгэр, ааҕаарыҥ.
This post was published on 14.11.2025 18:20 18:20