28 Кулун тутар 28.03
  • -13°
  • $ 92,26
  • 99,71

«Айылҕалаах буоламмын» кинигэ ааптара ааҕааччыларын кытта көрүстэ

17:22, 01 декабря 2016
Текст:
Читайте нас на
Яндекс Новости
ЯДВ

Дьокуускайга Сайсарыга баар «Школьный мир» бибилэтиэкэ истиҥ көрсүһүүнү тэрийдэ. Бу үтүө күн ССРС култуура туйгуна, СӨ култуура үтүөлээх үлэһитэ, Мэҥэ Хаҥалас улууһун култууратын сайдыытыгар төһүү кылааты киллэрбит салайааччы, ырыаһыт Дмитрий Тихонов 75 сааһыгар бэчээттэппит «Айылҕалаах буоламмын» кинигэтэ уонна «Махтал эйиэхэ, Сахам сирэ!» компакт диискэ сүрэхтэннэ.


«Айылҕалаах буоламмын» кинигэни ырытааччыларынан Оҕо уонна ыччат национальнай бибилэтиэкэтин сүрүн үлэһитэ Людмила Ефремова, «Чолбон» сурунаал эрэдээктэрэ, суруйааччы Уйбаан Ойуур буоллулар. Дьокуускай куораттааҕы «Сэрии оҕолоро» общественнай түмсүү сэбиэтин бэрэссэдээтэлэ Зинаида Винокурова, суруналыыс Рева Будищев, худуоһунньук Георгий Родионов, Мэҥэ Хаҥалас улууһуттан Балыктаах кулуубун дириэктэрэ, РФ култуура үтүөлээх үлэһитэ Лукерья Кычкина, мелодист Леонид Хорунов саҥа кинигэ саха култуурата сайдарыгар сүдү оруолу оонньуурун ыйдылар, ис хоһоонун билиһиннэрдилэр, санааларын үллэһиннилэр. Ааптар Дмитрий Дмитриевич 75 сааһыгар диэри айымньылаахтык үлэлээн кэлбитин бэлиэтээтилэр, махтал, эҕэрдэ тылларын тиэртилэр. Дьоро киэһэ «буруйдааҕа» Дмиртий Тихонов инникитин да кыаҕа баарынан айар, суруйар уонна ыллыыр баҕалааҕын эттэ. Мустан олорооччуларга бэйэтин репертуарыттан биэс ырыаны ыллаата. Оттон политехническай лиссиэй үөрэнээччилэрэ үчүгэй кинигэ иһин махтаннылар уонна маннык истиҥ көрсүһүүлэр олус наадалаахтарын бэлиэтээтилэр, үөрүүнү үксэтиһэн ырыа ыллаатылар. Салгыы сибээстэһиэх буоллулар.

Биэчэри Сайсары уокуругун үлэһитэ Нарыйа Черемкина иилээн-саҕалаан ыытта. Сайсары уокуругун баһылыгын солбуйааччы Христина Данилова махтал сурук уонна өйдөбүнньүк бэлэх туттарда.

Следите за самым важным и интересным в Telegram-канале и WhatsApp-группе ЯСИА