Бүлүү улууһуттан аармыйаҕа ыҥырыллан барбыт Айуол Семенов 2015 с. сайын Дагестан хайаларыгар терроризмы утары ыытыллыбыт операция кэмигэр хорсуннук өлбүтэ. Саха эдэркээн уола бу иннинэ «Кавказка контртеррористическай операция кыттыылааҕа», «Хотугу Кавказка байыаннай дьайыылар кыттыылаахтара» мэтээллэринэн уонна 2008 с. туйгун сулууспатын иһин түөскэ кэтэр бэлиэнэн наҕараадаламмыта.
2015 сыл ахсынньы 28 күнүгэр Айуол Викторович Семеновы «Хорсун быһыы» уордьанынан наҕараадалыыр туһунан РФ Президенэ Владимир Путин уурааҕа тахсыбыта.
Айуол Семеновка «Хорсун быһыы» уордьанын туттарыы кулун тутар 6 күнүгэр Айуол сулууспалаабыт 6767-с байыаннай чааһыгар Хабаровскайга туттарыллыаҕа. Манна Бүлүү улууһун дьаһалтатгаын баһылыгын социальнай политикаҕа солбуйааччы В.Ф.Тихонова салайааччылаах бөлөх кыттыыны ылыаҕа. Делегация састаабыгар Айуол төрөппүттэрэ Анна Васильевна уонна Виктор Ильич Семеновтар, I Күүлэт нэһилиэгин баһылыга Айаал Новиков, Бүлүү улууһун бэтэрээннэрин Сэбиэтин бэрэссэдээтэлин солбуйааччы Никита Матвеев бааллар.
This post was published on 03.03.2016 17:56 17:56