16 От ыйа 16.07
  • 17°
  • $ 87,81
  • 95,78

Айти-оскуолалары сайыннарыы барыаҕа

16:46, 22 августа 2018
Текст:
Читайте нас на
Яндекс Новости
ЯДВ

Өрөспүүбүлүкэ оскуолаларыгар цифровой эйгэни киллэрии, айти-оскуолалары аһыы барыаҕын туһунан бүгүн Ил Дархан э.т. Айсен Николаев учууталлар атырдьах ыйынааҕы мунньахтарыгар иһитиннэрдэ.


Билиҥҥи туругунан, өрөспүүбүлүкэ үрдүнэн интернет ситимигэр, 11 оскуоланы аахсыбатахха, оскуолалар бары холбонон олороллор. Ол эрээри билигин да түргэн-тарҕан интернетинэн туһана олорор оскуолалар бэрт аҕыйахтар. Айсен Николаев этэринэн, билигин оскуолаларга түргэн интернети, үөрэх систиэмэтигэр цифровой методическай үөрэтэр комплекстары киллэрии, оҕолору кыраларыттан айти-технологияҕа үөрэтии, онно сыһыаннаах идэлэри киллэрии өрөспүүбүлүкэ тирээн турар боппуруостарыттан биирдэстэрэ буолар.
“Айти эйгэтигэр үлэлэһэр дьону, бизнеһи оскуолаларга хамаҕатык киллэриэххэ, кыттыһыннарыахха. Айти-оскуолалары өссө кэҥэтиэхпитин наада. Билигин үс оскуолаҕа Алексей Илларионов айти-оскуолата үлэлиэҕэ. Эһиилги сылга 30 оскуолаҕа киириэхтээх. Салгыы итинник киирэн иһиэҕэ. Ону сэргэ. федеральнай бырайыактарга күүскэ кыттыаҕыҥ. Холобур, “Сколково” үөрэҕин фондатын бырайыактарыгар кыттыахха сөп, айти-лицей арыйыытыгар үлэлэһиэххэ сөп”, — диэн бэлиэтиир бэйэтин дакылаатыгар Айсен Николаев.
Ону сэргэ, кини үрдүкү технологияны туһаныы аан дойду таһымыгар тахсарга төһүү күүс буоларын, талааннаах оҕолору сайыннарыыга аан дойду уопутун туһаныы барыахтааҕын этэн туран, интеллектуальнай аан дойдутааҕы оонньуулары ыытыы оҕону айти-технологияларга үөрэтиигэ биир сүрүн хайысха буоларын бэлиэтээтэ.

Аграфена КУЗЬМИНА, edersaas.ru

Следите за самым важным и интересным в Telegram-канале и WhatsApp-группе ЯСИА