19 От ыйа 19.07
  • 18°
  • $ 87,88
  • 96,1

Айсен Николаев Вячеслав Штырову кытта Саха сиригэр тырааныспар сайдыытын боппуруоһун ырыттылар

11:03, 25 октября 2023
Читайте нас на
Яндекс Новости
ЯДВ

Ил Дархан Айсен Николаев өрөспүүбүлүкэ судаарыстыбаннай сүбэһитэ Вячеслав Штырову кытта көрүстэ. Кинилэр эрэгийэн транспортнай-логистическай комплексын сайыннарыы туһунан кэпсэттилэр, Саха сирэ суруйар.

Ил Дархан тимир суолунан соҕурууҥҥу Саха сирин  Мохэ куораты (Хэйлунцзян провинцията) кытта ситимниир бырайыак суолталааҕын бэлиэтээтэ. Бу эрэ иннинээҕи күн Кытайга “Один пояс – один путь” пуорумҥа бырайыак туһунан Арассыыйа бэрэсидьиэнэ Владимир Путин тыл этэригэр иһитиннэрбитэ.  Эрэгийиэн баһылыга этэринэн, тырааныспар бу сырыытын тэрийии, атыыга-эргиэҥҥэ Азия-Тиихэй акыйаан эрэгийиэннэринээҕи дойдулары кытары ситим Саха сирин соҕурууҥҥу өттүнээҕи экспортын үрдэтиэҕэ.

Ону тэҥэ, өрөспүүбүлүкэҕэ массыына суолун тутуутун боппуруоһун көрдүлэр. Айсен Николаев биэс сыл иһигэр эрэгийиэҥҥэ 2,5 тыһ. км. массыына суола уонна 49 муоста тутуллубутун бэлиэтээн эттэ.

“Кэлиҥҥи сылларга Саха сиригэр тырааныспар ситимин тупсарыыга үгүс үлэ барда. Бу бары хайысханан сайдар. Федеральнай суолталаах суоллары саҥардыы уонна ситэрии үлэтэ ыытыллар, тимир суол үлэлиир, аэропортар саҥардыллаллар”, — диэн Вячеслав Штыров этэр. Кини өрөспүүбүлүкэ сирдэрин суолун ситимин тупсарыы үлэтин салгыыр ирдэнэрин ыйар.

Ил Дархан уонна Бырабыыталыстыба пресс-сулууспата.

Следите за самым важным и интересным в Telegram-канале и WhatsApp-группе ЯСИА
Тутаах тыллар