Саха сирин олохтоохторугар уопсастыбаннай миэстэлэргэ уонна тэрилтэлэргэ уочаракка турбаты сүбэлииллэр. Ил Дархан Айсен Николаев бэҕэһээҥи брифиҥҥэ эппитинэн, эппиэтинэскэ тоҕуоруһууну таһаарбыт тэрилтэ салайааччыта тардыллар.
«Хомойуох иһин, биһиэхэ уопсастыбаннай миэстэлэргэ уонна тэрилтэлэргэ дьон тоҕуоруһуута тахсар. Маннык түгэҥҥэ тэрилтэ салалтатын эппиэтинэскэ тардар тоҕоостоох. Ити эрээри дьон бэйэтэ эмиэ уочаракка туруо суохтааҕын өйдүөхтээх. Бу доруобуйаҕа буортулаах буолуон сөбүн билиэхтээх», – диэтэ Айсен Николаев.
Баһылык эппитинэн, Дьокуускай балыыһаларыгар былааннаах көрүү хааччахтааһын үһүс түһүмэҕэ киирдэҕинэ биирдэ арыллыан сөп. Өскөтүн ыарыыга сутуллуу намтаан иһэр буоллаҕына, ити от ыйын 15 күнүттэн быһаарыллар кыахтаах.
Улуустарга балыыһаларга көрүү саҕаламмыта.
This post was published on 07.07.2020 11:02 11:02