Айсен Николаев бэҕэһээ соцситимнэринэн быһа эфир оҥордо. Zoom түһүлгэҕэ нэһилиэк баһылыктарын мунньахтарын кэмигэр этиилэргэ ыйытыы киирбитигэр эппиэттээтэ. «Улуустары үбүлээһин кэмигэр оҥоһуллар», — диэтэ кини, суруйар СИА.
Айсен Николаев эппитинэн, үбүлээһин методикатын сөпкө өйдөөбөт биир-икки баһылык сөбө суохтук этиннэ. Итинэн улахан кыһалҕаны таһаара сыстылар.
«Үп министиэристибэтинэн бэлэмнэниллибит, бырабыыталыстыбанан бигэргэммит быйылгы методика хаһааҥҥытааҕар даҕаны оройуоннар уонна олохтоох салайыныылар интэриэстэрин учуоттуур. Бастатан туран, үбү тыырыыны тэҥниир, иккиһинэн, урут-уруккуттан бюджет бастаан тыырыллыытыгар ханан эрэ үп тиийбэт буолуута син биир баар. Кэлин корректировка кэмигэр бу барыта сааһыланар, үп эбиллэр, улуустарга ыытыллар. Онон үлэлиэххэ наада, пиардана сатыы сылдьыбакка», — диэтэ Айсен Николаев.
This post was published on 22.01.2021 14:01 14:01