23 От ыйа 23.07
  • 20°
  • $ 87,78
  • 95,76

Айсен Николаев Уһук Илин национальнай куттала суох буолуу сүбэ мунньаҕар кытынна

Читайте нас на
Яндекс Новости
ЯДВ

Оптуорунньук сарсыарда СӨ Ил Дарханын э.т. Айсен Николаев Петропавловск-Камчатскай куоракка көттө. Онно тиийэн Уһук Илин уокурукка национальнай куттала суох буолуу ыйытыктарыгар анаммыт сүбэ мунньахха кыттыыны ылла. Мунньаҕы РФ Куттала суох буолуу сүбэтин сэкиритээрэ Николай Патрушев тэрийэн ыытта.


Кини Уһук Илин субъектарын салайааччыларын уонна федеральнай миниистирдэри кытта тырааныспарга куттала суох айаны тэрийии боппуруостарын дьүүллэстэ. Ону таһынан, айылҕа баайын туһанарга тулалыыр эйгэни харыстыырга болҕомто уурдулар.

Маннык ис хоһоонноох мунньах былырыын дойду бэрисидьиэнэ Владимир Путин сорудаҕынан Дьокуускай куоракка буолбута. Онно судаарыстыбаннай миграционнай бэлиитикэни көрбүттэрэ уонна демографическай балаһыанньаны тупсарарга табыгастаах усулуобуйаны тэрийии туһунан кэпсэтии барбыта.

Сарсын, от ыйын 4 күнүгэр Айсен Николаев Уһук Илин федеральнай уокурукка РФ Бэрэсидьиэнин бэрэстэбиитэлэ Юрий Трутнев сүбэ мунньаҕар кыттыыны ылыаҕа.

Бу туһунан СӨ Ил Дарханын уонна бырабыыталыстыбатын пресс-сулууспата иһитиннэрэр.

СИА.

Следите за самым важным и интересным в Telegram-канале и WhatsApp-группе ЯСИА