Тохсунньу 22 күнүгэр, төрөөбүт күнүгэр, Саха сирин баһылыга Айсен Николаев академик Н.Н. Бурденко аатынан байыаннай клиническай госпиталга эмтэнии ааһар Саха сирин байыастарын кытта көрүстэ.
«Госпиталга Саха сириттэн үс киһи баар. Эмтэнии уонна көрүү-истии үчүгэй диэтилэр, кинилэргэ бары өттүттэн кыһамньылаахтык сыһыаннаһаллар. Быраастар, өрөспүүбүлүкэ координационнай киинэ, волонтердар олус болҕомтолоохтор. Төрөөбүт Саха сирдэриттэн кэһии илдьэн туттардым. Туруктара бойобуой», — Айсен Николаев телеграм-ханаалыгар суруйда.
Байыастар баһылыгы төрөөбүт күнүнэн эҕэрдэлээтилэр. Айсен Николаев өрөспүүбүлүкэ олохтоохторун ааттарыттан түргэнник үтүөрэллэригэр баҕа санаатын эттэ.
«Саха сирэ эһиги эр санааҕытынан уонна хорсун быһыытыгынан киэн туттар!» — диэтэ кини.
