Бүгүн өрөспүүбүлүкэ киинэ уопсастыбатын бастакы кэмпириэнсийэтигэр Саха сирин баһылыга Айсен Николаев режиссердарга киинэ рекламатыгар диэн 300 тыһыынча солкуобайдаах сертификаттары туттарда.
«Саха киинэ тэтимнээхтик сайдар. Биһиги дойду киинэ индустриятын сайыннарар биир бөдөҥ киин буолабыт. Бу биһиги кинематографиябыт сүдү ситиһиитэ. Билигин биһиги сүрүн сорукпут -Азия ырыынагар тахсыы. Ону ситиһиэхпит, Саха сирэ атын регионнардааҕар элбэх киинэни устар. Биһиги киинэ эйгэтигэр Арассыыйа лидердэрэ буолуохтаахпыт», — диэн бэлиэтээтэ Айсен Николаев.
Саха сирин баһылыга Айыы Тыыннаах Эр Санаа Ох-Хотор режиссер «Хапсыһыы», Константин Тимофеев «Лоокуут уонна Ньургуһун», Николай Корякин «Тимир», Степан Бурнашев уонна Дмитрий Давыдов «Эт», Степан Порядин «Спид Стар» киинэлэригэр сертификаттары туттарда.
This post was published on 24.08.2023 14:02 14:02