Саха сирин экономика улаатар, ити социальнай мэктиэлэри толорорго олук буолар. Ол туһунан Ил Дархан Айсен Николаев бэҕэһээ регион олохтоохторун кытта быһа холбонон кэпсэтии кэмигэр эттэ.
«Ааспыт сыл түмүгүнэн Саха сирэ чоҕу хостооһуҥҥа дойдуга иккис миэстэҕэ тахсыбыта. 40 мөл туоннаны бэлэмнээбитэ. Маны сэргэ биһиги кыһыл көмүһү хостооһуҥҥа аан дойдуга иккис миэстэлээхпит — 55 туонна. Төһө да ыарахаттар, мэһэйдэр баалларын үрдүнэн, аан дойдуга алмаас хостооһунугар бастакы миэстэҕэ турабыт. Үчүгэй көрдөрүүнү ньиэп уонна гаас хостооччулар оҥороллор, иэннэрин улаатыннараллар. Боростуойа суох усулуобуйаҕа биһиги аграрийдарбыт үлэлииллэр. Уопсайынан, экономикабыт үрдүүр. Бу биһиги социальнай эбэһээтэлистибэбитин толорорбутугар олук буолар», — диэтэ Айсен Николаев.
Регион баһылыга эппитинэн, ааспыт сылы кытта тэҥнээтэххэ, өрөспүүбүлүкэ бюджетыгар киирии үп эбиллэр — 3,5 млрд солк.
This post was published on 28.04.2025 13:01 13:01