«Судургу тылынан» подкаст саҥа таһаарыытын Саха сирин баһылыга Айсен Николаев өрөспүүбүлүкэҕэ тырааныспар сырыытыгар, суол-иис боппуруостарыгар анаата. Бу туһунан регион баһылыгын уонна бырабыыталыстыбатын пресс-сулууспата иһитиннэрэр.
Айсен Николаев өрөспүүбүлүкэ климатын усулуобуйатыгар уонна улахан территориятын учуоттаан туран суол-иис уонна муоста тутуута сүҥкэн суолаталааҕын тоһоҕолоон бэлиэтээтэ.
2018 с. Саха сирин баһылыга региоҥҥа суолу-ииһи тупсарар сыалы туруорбута, онуоха бу подкастка бүгүҥҥү туругунан туох уларыйыылар тахсыбыттарын уонна регион олохтоохторун олоҕун хаачыстыбатыгар хайдах сабыдыаллаабытын кэпсээтэ.
