20 От ыйа 20.07
  • 17°
  • $ 88,02
  • 96,04

Айсен Николаев: Саха сиригэр аска-үөлгэ, эмкэ-томко сөптөөх саппаас баар

11:47, 18 марта 2020
Текст:
Читайте нас на
Яндекс Новости
ЯДВ

Саха сиригэр аска-үөлгэ, эмкэ-томко сөптөөх саппаас баар.  Ол туһунан өрөспүүбүлүкэ баһылыга Айсен Николаев бэҕэһээ коронавирус балаһыанньатынан бырабыыталыстыба салалтата, дьаһалтата уонна куорат салалтата кыттыылаах мунньахха эттэ. 


Мунньахха ылыллыбыт быһаарыынан, бүгүҥҥүттэн, кулун тутар 18 күнүттэн, Саха сирин оскуолаларыгар, орто үөрэх кыһаларыгар үөрэх тохтотулунна.

Айсен Николаев эппитинэн, уопсастыбаннай тырааныспардар дезинфекцияланаллар, итиэннэ кэнники икки нэдиэлэҕэ коронавируснай инфекция тарҕаммыт дойдуларыгар сылдьыбыт дьону булууга уонна изоляцияланалларыгар миэрэлэр ылыллаллар.

Саха сиригэр бары туһааннаах сулууспалар муҥутуур бэлэм эрэһиимигэр киирдилэр. Мониторинг тохтоло суох ыытыллар.

Айсен Николаев иһитиннэрбитинэн, балыыһаларга эмп-томп сапааһа баар: «Хомойуох иһин Саха сиригэр, атын регионнарга курдук, медицинскай мааска тиийбэтин кыһалҕата баар. Бу күннэргэ бу быһаарыллыаҕа. Бырабыыталыстыба Кытай норуодунай өрөспүүбүлүкэтин куытта үлэлиир сорудах тутан олорор. Онно инфекция намтаата, онон Россия көрдөбүлүгэр кыахтар үөскээтилэр. Манна куттанар сатаммат«, — диэтэ кини.

Ил Дархан ас-үөл саппааһа эмиэ баарын иһитиннэрдэ. «Кыһалҕа манна суох. Сааскы суол кыһалҕатын иннинэ ас-үөл таһылынна. Онон Саха сиригэр саппаас баар».

Следите за самым важным и интересным в Telegram-канале и WhatsApp-группе ЯСИА