29 Кулун тутар 29.03
  • -13°
  • $ 92,26
  • 99,71

Айсен Николаев: Саха сирэ баһаарга бэлэмин саҕалаата

16:03, 18 ноября 2021
Текст:
Читайте нас на
Яндекс Новости
ЯДВ

2022 сыллааҕы ойуур баһаарыгар Саха сирэ бэлэмин саҕалыы охсуохтаах. Бу туһунан Айсен Николаев  РФ Бэрэсидьиэнин Уһук Илин уокуругар боломуочуйалаах бэрэстэбиилин Юрий Трутневы кытары быйыл баһаартан ордук күүскэ эмсэҕэлээбит Бэс-Күөлгэ бара сылдьан биллэрдэ.

«РФ Бэрэсидьиэнигэр Владимир Путинҥа уонна РФ Бэрэсидьиэнин Уһук Илин уокуругар боломуочуйалаах бэрэстэбиитэлигэр Юрий Трутневка көмөлөрүн иһин махталбын тиэрдэбин. Кинилэр сөптөөх быһаарыыны ылынаннар, кэлэр сылга өрөспүүбүлүкэбитигэр ойуур баһаарын умуруорууга үп көрүлүүтэ үрдээтэ. Онон кэлэр сылга ойуур баһаарын умуруорууга тэрийэр үлэлэри эрэмньилээхтик саҕалыыбыт. Үлэбит элбэх: авиадесантнай сулууспаҕа эбии үлэһиттэри ылыахпыт, тустаах техникалары атыылаһыахпыт, баһаары түргэнник умулларыыны былаанныахпыт», — диэн Айсен Николаев кэпсээтэ.

«Кэлэр сыл куйаас уонна кураан сайын буолара күүтүллэр, онон төһө кыалларынан баһаары түргэнник умулларарга бэлэм буолуохтаахпыт«, -диэн кини бэлиэтээтэ.

Эрдэ биһиги РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ  Юрий Трутнев Саха сиригэр кэлэ сылдьарын, Ил Дархан Айсен Николаевы кытта бүгүн Горнай улууһун Бэс Күөлүгэр ыалдьыттаабытын, саҥа тутуллубут дьиэлэр хаачыстыбаларын бэрэбиэркэлээбитин, уонна 2,5 эрэ ый иһигэр элбэх үлэ ыытыллыбытын бэлиэтээбитин туһунан суруйбуппут.

Следите за самым важным и интересным в Telegram-канале и WhatsApp-группе ЯСИА