25 От ыйа 25.07
  • 24°
  • $ 86,55
  • 94,38

Айсен Николаев Саха политехническай лицей үөрүүлээх линейкатыгар сырытта

Читайте нас на
Яндекс Новости
ЯДВ

Бүгүн сарсыарда Саха сирин баһылыга Айсен Николаев Саха политехническай лицейигэр үөрүүлээх линейкаҕа сырытта. Саҥа үөрэх дьылын иннинэ дьиэҕэ капитальнай өрөмүөн ыыттыллыбыта.

«Дьокуускай атын 10 оскуолаларын курдук, лицей саҥа үөрэх дьылын капитальнай өрөмүөннээх көрүстэ, бу үөрэнээччилэргэ уонна коллективка бастыҥ бэлэх буолла. Манна мин 2013 сыллаахха, өссө Дьокуускай куорат баһылыга буола сылдьан үөрүүлээх линейкаҕа сылдьыбытым. Оччолорго 14-с оскуола Саха политехническай лицей статуһун ылбыта. Бу оскуола коллективыгар улахан ситиһии эрэ буолбакка, улахан эппиэтинэ буолбута. Онтон ыла бары бииргэ: үөрэнээччилэр, учууталлар уонна төрөппүттэр – лицей саҥа историятын ситиһиилээхтик суруйаллар», — диэн бэйэтин телеграмм- канаалыгар Айсен Николаев суруйда.

Балаҕан ыйын бастакы күнүнээҕи линейка Российскай Федерация уонна Саха Өрөспүүбүлүкэтин былаахтарын көтөҕүүтүнэн уонна гимнэри толоруунан саҕаланна. Санатан эттэххэ, бу үөрэх дьылыттан дойду бары оскуолаларыгар саҥа нэдиэлэ чопчу маннык саҕаланыа.

Следите за самым важным и интересным в Telegram-канале и WhatsApp-группе ЯСИА