Бүгүн, алтынньы 3 күнүгэр, Ил Дархан Айсен Николаев Саха Өрөспүүбүлүкэтин миниистирдэрин эбээһинэстэрин толорооччулары анаата. Ол туһунан кини Телеграм-ханаалыгар иһитиннэрдэ:
— Афанасьева Лена Николаевна доруобуйа харыстабылын миниистирин э.т. ананна;
— Жондоров Валерий Алексеевич үп миниистирин э.т. ананна;
— Перфильев Евгений Андреевич экология, айылҕаны туһаныы уонна тыа хаһаайыстыбатын миниистирин э.т. ананна;
— Романов Виктор Дмитриевич тутуу миниистирин э.т. ананна;
— Соколова Нюргуна Афанасьевна үөрэх уонна наука миниистирин э.т. ананна.
Санатан эттэххэ, бэнидиэнньиккэ, алтынньы 3 күнүгэр, Саха сирин баһылыга Айсен Николаев түөрт саҥа миниистирдэр кандидатураларын Ил Түмэн бигэргэтиитигэр киллэрдэ.
