25 От ыйа 25.07
  • 24°
  • $ 86,55
  • 94,38

Айсен Николаев: Үөрэҕирии хаачыстыбатын таһымын үрдэтэр кэм кэллэ

Читайте нас на
Яндекс Новости
ЯДВ

Намҥа буолбут пресс-конференцияҕа, ахсынньы 25 күнүгэр, суруналыыс Чокуур Гаврильев ыйытыытыгар хоруйдууругар Ил Дархан Айсен Николаев Россияҕа Педагог уонна настаабынньык сылыгар өрөспүүбүлүкэҕэ үөрэх систиэмэтигэр сүрүн хайысхалары ыйда.

Үөрэх тэрилтэлэрин салайааччыларын сүрүн соруктарынан педагогтары үөрэтии саҥа киэптэригэр, үөрэнээччигэ инникилээн сайдар билиини иҥэрэриигэ мотивацияҕа ууралларын эттэ.

«Бу соруктар туолалларыгар өрөспүүбүлүкэ үөрэх эйгэтин материальнай-техническай базатын тупсарыыга элбэх үбү көрөр. Эрдэ сылын аайы 10-ча оскуоланы үлэҕэ киллэрэ буоллахпытына, бу сылга 14 эбийиэк бэлэмнэннэ, оттон 2023 сылга бу сыыппара 19 тэҥнэһиэҕэ. Бу рекорд. Үөрэх хаачыстыбатын таһымын үрдэтии кэллэ», – диэн сыал туруорда Ил Дархан үөрэх министиэристибэтигэр.

«Бэйэм Туһаайыыбар бэлиэтээбиппинэн, дойду инникитэ билигин педагогтар илиилэригэр баар. Оскуола оҕолорун атыннык бэлэмниэхтээхпит», – диэтэ Айсен Николаев.

Айсен Николаев санаппытынан, оскуола иитиинэн дьарыктаныа суохтаах, үөрэтиинэн эрэ дьарыктаныахтаах диэн өйдөбүл — сыыһа. Маннык толкуй түмүгэ – дьиҥнээх олохтон туоратыллыбыт эдэр дьон. Билиилэрэ баар, ити эрээри уопсастыбаҕа сүрүн сыһыан оҥоһуллубатах.

«Биир сүрүн соругунан – педагогтар оруолларын үрдэтэн, оскуола оҕотун иитиигэ болҕомто ууруллуохтаах», – диэтэ Айсен Николаев.

Хаартыска:Андрей Сорокин, СИА

Следите за самым важным и интересным в Telegram-канале и WhatsApp-группе ЯСИА
Тутаах тыллар