Айсен Николаев Паралимпиадаҕа кыттар спортсменнарга ситиһиилэри баҕарда

Айсен Николаев видеосибээс нөҥүө Токиотааҕы Паралимпиадаҕа кыттар Саха сириттэн сылдьар спортсменнары — Анастасия Диодорованы, Алена Дмитриеваны уонна Степанида Артахинованы кытары көрүстэ. Ил Дархан кыргыттарга ситиһиилэри баҕарда.


Ил Дархан спортсменнарга туһаайан Саха сирин бары олохтоохторун ааттарыттан эҕэрдэтин тиэртэ. «Бэйэҕит ситиһиигитинэн, тус кыаххытынан дойду сүүмэрдэммит хамаандатыгар киирэн, төрөөбүт дойдугут, Арассыыйа аатын XVI Паралимпийскай оонньууларга ааттатыаххыт. Биһиги Токиоҕа ыытыллар Оонньуулары долгуйа көрүөхпүт, эһиги кыайыыларгытыгар эрэллээхпит» — диэтэ Айсен Николаев.

Паралимпийскай оонньуулар Япония Токио куоратыгар атырдьах ыйын 27 күнүттэн саҕаланыахтара.

This post was published on 19.08.2021 11:14 11:14