23 От ыйа 23.07
  • 28°
  • $ 87,78
  • 95,76

Айсен Николаев Кытайы кытары бииргэ үлэлээһин туһунан кэпсээтэ

Читайте нас на
Яндекс Новости
ЯДВ
Бу күннэргэ Ил Дархан Айсен Николаев Кытайга “Биир эргимтэ, биир ситим” диэн норуоттар икки ардыларынааҕы үһүс пуорумҥа кытынна.  Норуоттар икки ардыларынааҕы үһүс пуорум Кытай Норуодунай Өрөспүүбүлүкэтин бэрэссэдээтэлэ Си Цзиньпин көҕүлээһининэн ыытылынна.

Пуорум  былаһааккаларыгар  Саха Өрөспүүбүлүкэтэ Кытайы кытта бииргэ үлэлээһиҥҥэ сөбүлэһиилэри түһэристэ, ол иһигэр киинэни сайыннарыыга.

Кытай Медиакорпорациятын суруналыыһын икки өттүттэн сөбүлэһэн үлэлээһин бырайыагын туһунан ыйытыытыгар хоруйдууругар Ил Дархан Айсен Николаев, дойду Аҕа баһылыга Владимир Путин  пуорум кэмигэр Өлүөнэ муостатын тутуутун туһунан эппитин санатта. Бу тутуу тырааныспар  баараҕай көрүдүөрүнэн буолуоҕтааҕын эбэн эттэ.

— Бэрэсидьиэн бэйэтин этиитигэр Өлүөнэ, Амур  өрүстэри  туоруур муосталар тутууларын, Хотугу муора суолун сайдыытын  туһунан  кэпсээбитэ.  Амур муостата «Джалинда — Мохэ» бырайыагы кытары ситимнээх. Бу бырайыактар барылара Уһук Илиҥҥэ,  ол иһигэр Саха сиригэр болҕомтону тардыыга, Кытайы кытары экэнэмиичэскэй сибээһи  кэҥэтиини  кытары сибээстээхтэр.  Онон, Кытай биисинэһэ улахан интэриэстээх буолуо диэн бүк эрэллээхпин, –  диэн бэлиэтээтэ Айсен Сергеевич.

Ил Дархан  2022  сыл түмүгүнэн, Саха сирэ уонна Кытай тас эргиэнин эргиирэ 3 млрд солк. тахсыбытын иһитиннэрдэ. Кини сылыктыырынан, бу көрдөрүү 2023 сыл түмүгүнэн өссө улаатар чинчилээх.

Санатан эттэххэ,  Shag Bao internationa Film Culture Media Co диэн Кытайга киинэ устар хампаанньа Дьокуускайга киинэ павильонун тутууга көмөлөһүөҕэ. Бииргэ үлэлэһии сөбүлэҥин СӨ бырабыыталыстыбатын бэрэссэдээтэлин солбуйааччы Анатолий Семенов уонна Shag Bao аан дойдутааҕы киинэ хампаанньатын бырабылыанньатын бэрэссэдэээтэлэ Ли Баохуа түһэрсибиттэрэ.

Саха сирэ

Следите за самым важным и интересным в Telegram-канале и WhatsApp-группе ЯСИА
Тутаах тыллар