Ил Дархан Айсен Николаев Казахстаҥҥа дьыалабыай сырыытын кэмигэр, Казахстан Өрөспүүбүлүкэтин бэрэсидьиэнэ Касым-Жомарт Токаевы кытары көрүстэ. Көрсүһүү кэмигэр эрэгийиэннэр икки ардыларынааҕы сыһыаннаһыы, бииргэ үлэлээһин тула кэпсэтии барда.
Касым-Жомарт Токаев Казахстан Өрөспүүбүлүкэтэ уонна Арассыыйа Федерацията сыһыаннаһыыларыгар ураты болҕомто уурулларын эттэ. Итиэннэ былырыын Оренбург куоракка Арассыыйа уонна Казахстан бииргэ үлэлээһиннэригэр XVIII эрэгийиэннээҕи форумҥа икки дойду бэрэсидьиэнэ кыттыбытын бэлиэтээн санатта. Касым-Жомарт Токаев Казахстан уонна Саха сирин икки ардыгар атыы-эргиэн кээмэйэ улааппытын итиэннэ стратегическай суолталаах сүрүн хайысхалары сэргэ, экономическай уонна гуманитарнай бииргэ үлэлээһин сайдыахтааҕын эттэ.
Тумус туттуллар хайысхаларынан атыыны-эргиэни, инновацияны, ИТ салаатын эттэ уонна Казахстаҥҥа Саха сирин култууратын декадатын ыытарга этии киллэрдэ. Казахстаҥҥа Саха сириттэн төрүттээх биир дойдулаахтар диспоралара билигин таһаарыылаахтык үлэлиир. Онтон Саха сиригэр Казахстаннааҕы «Алатау» уопсастыбаннай түмсүү баар.
Источник: © sakha-sire.ru сайт
