22 От ыйа 22.07
  • 18°
  • $ 88,02
  • 96,04

Айсен Николаев Егор Попову тутуу туһунан: Мин Таҥара буолбатахпын, дьону өтө көрөр кыаҕым суох

16:28, 31 октября 2016
Текст:
Читайте нас на
Яндекс Новости
ЯДВ

Дьокуускай баһылыга Айсен Николаев суруналыыстары кытта көрсүһүүгэ кини урукку солбуйааччытын Егор Попову хаайбыттарыгар санаатын үллэһиннэ. Айсен Сергеевич солбуйааччыта буола сылдьыбыт Попову үлэҕэ ыларга бэрэбиэркэ барбытын, ол түмүгэр бу киһи сокуону кэһэ сылдьыбыта бэлиэтэммэтэҕин туһунан эттэ.


«Мин Таҥара буолбатахпын, дьону өтө көрөр кыаҕым суох. Егор Попову биһиги көрдөрөр-иһитиннэрэр тиһиктэргэ тахсыбыт матырыйаалларга уонна ис дьыала оччотооҕу миниистирин солбуйааччы Николай Мамчур пресс-конференцияҕа этиитин кэнниттэн бэрэбиэркэлээбиппит уонна үлэтиттэн тохтоппуппут. Үлэ элбэх, ол салҕаныах тустаах», — диир Айсен Николаев.

2013 сыллааҕы силиэстийэ быһаарбытынан, Попов 35-с №-дээх оскуола тутуллуохтаах сирин кыччатарга сокуоннайа суох уурааҕы таһаарбыт. Босхоломмут сир учаастага чааһынай компания элбэх квартиралаах дьиэни тутарыгар анаммыт.

35-с №-дээх оскуола «2012-2019 сылларга СӨ үөрэҕи сайыннарыы” өрөспүүбүлүкэтээҕи бырагырааманан тутуллуохтааҕа. Тутуу күн бүгүҥҥэ диэри тохтоон турар.

Попов Саха сириттэн күрүүр санаалааҕыттан төрүөттэнэн кинини хаайдылар. Бу тула чинчийии үлэтэ бара турар.

Следите за самым важным и интересным в Telegram-канале и WhatsApp-группе ЯСИА