Айсен Николаев «быһа эфирэ» балаҕан ыйын 1 күнүгэр субуотаҕа Дьокуускай бириэмэтинэн 19.00 чааска ыытыллыа. Ил Дархан эбээһинэһин толорооччу өрөспүүбүлүкэ олохтоохторо интэриэһиргиир бары боппуруостарыгар хоруйдуо, тирээн турар суолталаах боппуруостары хайдах быһаарар туһунан кэпсиэ уонна Саха сирин сайдыытын тутаах хайысхаларыгар санаатын иһитиннэриэ.
Биэрии «Саха» НКИК, «Якутия 24», «Мамонт», «Россия 24» теле-ханаалларынан уонна «Тэтим» араадьыйанан ыытыллыа. Олохтоохтор Айсен Николаевка ыйытыыларын «быһа эфир» кэмигэр студияҕа эрийэн биэриэхтэрин сөп. Бу Айсен Николаев Ил Дархан эбээһинэһин толорооччу дуоһунаһыгар бастакы «быһа эфирэ».
