23 От ыйа 23.07
  • 28°
  • $ 87,78
  • 95,76

Айсен Николаев: Баһаары умулуннарыыга федерацияттан эбии үп көрүллэрэ тоҕоостоох

15:01, 17 июля 2020
Текст:
Читайте нас на
Яндекс Новости
ЯДВ

Ил Дархан Айсен Николаев «Россия 24» ханаалыгар быһа эфир кэмигэр Саха сиригэр ойуур баһаардарын умулуннаары үлэтин туһунан кэпсээтэ. Бу туһунан Ил Дархан уонна бырабыыталыстыба пресс-сулууспатыгар сигэнэн, СИА иһитиннэрэр.


Айсен Николаев Саха сиригэр баһаар улахан аҥара хоту — Дьааҥы, Аллара, Орто Халыма улуустарыгар умайарын эттэ. Уот нэһилиэктэргэ, экономика эбийиэктэригэр куттала суох диэтэ кини.

Билигин өрөспүүбүлүкэ үрдүнэн 43 баһаары умуруораллар. Итинтэн 21 бохсулунна. Күүстээх үлэ нэһилиэктэн уон килэмиэтир тэйиччилээх сиргэ 18 ойуур баһаарын умулуннарыыга барар.

Уоту кытары охсуһууга барыта 1032 киһи үлэлиир. Забайкальскай кыраайтан, Амур, Тюмень, Ханты-Мансийскай уобаластарыттан көмөҕө кэлэ сылдьаллар.

«Билигин баһаардар үксүн ыраах киһи, техника кыайан тиийбэт сирдэригэр умайа тураллар. Быһа холоон уот 334 га сиргэ баар. Маны бохсорго федерация үбүттэн эбии харчы көрүллэрэ тоҕоостоох», — диэтэ Ил Дархан.

Следите за самым важным и интересным в Telegram-канале и WhatsApp-группе ЯСИА