21 От ыйа 21.07
  • 22°
  • $ 88,02
  • 96,04

Айсен Николаев баҕа өттүлэринэн сулууспаҕа сылдьар "Боотур" этэрээти кытта көрүстэ

09:28, 18 октября 2022
Текст:
Читайте нас на
Яндекс Новости
ЯДВ

Баҕа өттүлэринэн анал байыаннай дьаһалга кытта сылдьан эчэйбит «Боотур» этэрээт байыастарын Ил Дархан Айсен Николаев көрүстэ. Саллааттар Подмосковьеҕа байыаннай госпитальга сыталлар.

Айсен Николаев өрөспүүбүлүкэ дойду көмүскэлигэр туруммут байыастарынан киэн туттарын эттэ. «Эһиги – геройдаргыт, маладьыастаргыт. Биһиги войска хамандыырын кытта көрүстүбүт, кини Саха сирин этэрээтэ туруоруллубут соругу 100 бырыһыан толорорун эттэ», – диэтэ кини.

«Биһиги хамандыырбыт үчүгэй киһи, улахан бойобуой уопуттаах. Этэрээппитигэр үчүгэй медик баар, – байыастар кэпсээтилэр. – Киирсиилэр ыарахан этилэр. Утарылаһааччыларбыт өттүлэригэр омук байыаннай техниканан сэбилэммит 50 дойдуттан хомуур баар».

Өрөспүүбүлүкэ баһылыга саллааттар этиилэрин уонна көрдөһүүлэрин болҕойон иһиттэ. Байыаннайдар материальнай-техническай хааччыйыыны тупсарарга, байыаннай бэлэми ааһыы наадатын, быстах байыаннай хомуурга байыастар бойобуой уопуттарын учуоттуур наадатын эттилэр, суруйар регион сүрүн пресс-сулууспата.

Айсен Николаев баҕа өттүнэн сулууспалыы сылдьааччыларга махтанна: «Эһиги соруккут – доруобуйаҕытын көннөрүү. Эмтэниигэ, реабилитацияҕа боппуруостар быһаарыллыахтара. Дьиэ кэргэттэргитигэр социальнай өйөбүл миэрэлэрин оҥоробут, ол иһигэр оҕолоргут үрдүк үөрэххэ киириилэригэр».

Следите за самым важным и интересным в Telegram-канале и WhatsApp-группе ЯСИА