Бэҕэһээ Ил Дархан Айсен Николаев төлөпүөнүнэн биир дойдулаахтарбытын, аар-саарга аатырбыт, биллибит «Алеша» таанка экипаһын састаабыгар баар, Арассыыйа Дьоруойдарын Алексей Неустроевы уонна Филипп Евсеевы кытта кэпсэттэ.
Ил Дархан кинилэри Арассыыйа Дьоруойа үрдүк наҕарааданы ылбыттарынан итиитик-истиҥник эҕэрдэлээтэ.
«Уолаттар РФ Бэрэсидьиэнэ Владимир Владимирович Путины кытта көрсөллөрүттэн олус долгуйбуттарын туһунан эттилэр. Сотору Алексей уонна Филипп дойдуларыгар кэлиэхтэрэ. Олох күүтэбит. Саха сирэ барыта Дьоруой уолаттарынан киэн туттар!», – диэн Telegram-ханаалыгар Айсен Николаев иһитиннэрбит.
Санатар буоллахха, от ыйын 29 күнүгэр ураты киирсиилээх түгэни аан дойду барыта сөҕө-махтайа көрбүтэ. Арассыыйа Т-80 таанката соҕотоҕун ВСУ аҕыс бронетиэхиньикэтин кытта утары кимиилээхтик киирсибитэ.
Саха сирэ
