Ил Дархан э.т. Айсен Николаев аныгыскы нэдиэлэттэн улуустарга барыаҕа. Бастакы уочарат Халыма улуустарыгар сылдьар санаалаах.
edersaas.ru
“Аныгыскы нэдиэлэттэн өрөспүүбүлүкэ иһигэр командировкаларбын саҕалыаҕым. Бастатан туран, Халыма улуустарыгар барыаҕым. Манна билигин халаан уута үгүс сири урусхаллаата. Балаһыанньа уустук. Онтон салгыы өрөспүүбүлүкэ бары улуустарын кэрийиэҕим”, — диэн этэр кини.
Манна даҕатан эттэххэ, бүгүн Уһук Илин федеральнай уокурукка РФ бэрэсидьиэнин боломуочуйалааҕы-вице-премьер Юрий Трутнев Дьокуускайга кэлэн Айсен Николаевы бырабыыталыстыба, парламент, улуустар баһылыктарын иннилэригэр билиһиннэриэҕэ. Бэҕэһээ Юрий Петрович Магадан уобалаһын салайааччытын э.т. Сергей Носовы билиһиннэрбитэ.
Аграфена КУЗЬМИНА, “Саха сирэ” хаһыат.
0
0
This post was published on 01.06.2018 08:36 08:36