Анал байыаннай дьайыы кыттыылааҕа уонна кини чугас дьоно болҕомтото уонна өйөбүлэ суох хаалыа суоҕа. Кинилэргэ тоҥуй сыһыан, аахайбат буолуу, ордук салайааччылар өттүлэриттэн, барыта тохтуохтаах уонна саҥаттан хатыланыа суохтаах. Ол туһунан Айсен Николаев Ил Түмэҥҥэ ыҥырыытыгар эттэ, суруйда ЯСИА.
«Анал байыаннай дьайыы саҕаламмыт бастакы күнүттэн биһиги байыастарбыт төрөөбүт дойдуну көмүскээһиҥҥэ туруммуттара. Кинилэр хорсун быһыыларынан киэн туттабыт уонна байыастарбытыгар кыайыы көтөллөөх дьиэҕитигэр төннөргүтүгэр баҕарабыт. Россия Геройа ааты ылбыт биир дойдулаахтарбытынан — Александр Колесов, Алексей Неустроев, Филипп Евсеев уонна Дмитрий Егоров — киэн туттабыт. Александр Колесов уонна кини бойобуой доҕотторо бу саалаҕа бааллар», — диэтэ Айсен Николаев.
This post was published on 22.12.2023 12:37 12:37