Саха сиригэр тыатааҕы айан суолугар тахсыыта элбээтэ. Сорох суоппардар уонна пассажирдар кыылы аһата сатыыр түгэннэрэ баар буолар.
Эһэни килиэбинэн күндүлээри гыммыт киһиэхэ адьырҕа саба түһүүтүн видеота социальнай ситимҥэ тарҕанна.
Экология министиэристибэтэ сэрэтэр: «Суолга эһэни көрдөххүтүнэ, хаһан да кинини аһатымаҥ. Эһиги аскытыгар эһэ наадыйбат. Итинник аһата сылдьан, кыылы куһаҕаҥҥа үөрэтэҕит. Аһы ирдиир буолар, ылбатаҕына адьырҕата киирэр, киһиэхэ бэйэтигэр саба түһүөн сөп. Куттаммат киһиттэн. Эһиги биирдэ аһаппыккытынан атын дьоҥҥо кутталы үөскэтэҕит».
This post was published on 29.07.2024 12:01 12:01