Айаал Лазарев Кытайга Азия оонньууларыгар тустууга боруонса мэтээли ылан, Саха сиригэр төнүннэ. Спортсмен олимпийскай оонньууларга путевканы ылаары лицензиялаах турнирдарга бэлэми саҕалаары сылдьарын туһунан кэпсээтэ.
«Азия оонньууларыгар бэлэмнэнии бастакы түһүмэҕэ Кыргызстаҥҥа ыытыллыбыта, тиһэх бэлэм — Осетияҕа, тренер Казбек Дедегкаев. Уһун тохтобул кэнниттэн тустар баҕа санааны куоттарымыах тустаах этибит. Азия оонньуулара олус далааһыннаахтык ыытылынна. Холобур, Олимпийскай дэриэбинэ 2020 сылга Токиоҕа буолбут оонньуулардааҕар икки төгүл улахан этэ. Кыайыахпын олус баҕарбытым да, үһүс да миэстэ мэтээлэ сыралаах үлэттэн кэлэр», — диэн Айаал Лазарев бэлиэтээтэ.
This post was published on 16.10.2023 13:32 13:32