24 Ыам ыйа 24.05
  • -7°
  • $ 104,68
  • 115,6

Ахсынньы 9 күнэ. «Эн быраабыҥ, эн оруолуҥ: хоруупсуйаҕа суох диэ» - Бикипиэдьийэ

09:01, 09 декабря 2021
Текст:

Бэлиэ күннэр

  • Flag of the United Nations.svg ХНТ — Дойдулар ардыларынааҕы хоруупсуйаны утары охсуһуу күнэ. 2021 сыл тиэмэтэ: «Эн быраабыҥ, эн оруолуҥ: хоруупсуйаҕа суох диэ»
  • Flag of the United Nations.svg ХНТ — Дойдулар ардыларынааҕы геноцид сиэртибэлэрин кэриэстиир күн. Армения көҕүлээһининэн 2015 сыллаахха балаҕан ыйын 11 күнүгэр ХНТ Сүрүн ассамблеята биллэрбитэ. Бу күн 1948 сыллаахха ХНТ геноциды утары конвенцияны бигэргэппитэ, билиҥҥи туругунан ол докумуону 149 дойду ратификациялаан олорор
  • Flag of Antigua and Barbuda.svg Антигуа уонна Барбуда — Дойду дьоруойдарын күнэ
  • Flag of Russia.svg Арассыыйа — Аҕа дойду дьоруойдарын күнэ
  • Flag of Russia.svg Арассыыйа — Тимир суол сэбилэниилээх харабылын күнэ
  • Flag of Sweden.svg ШвецияFlag of Finland.svg Финляндия — Аана күнэ. Бу күн Ороһооспоҕо сиэнэр лютефиск диэн бүлүүдэни астаан саҕалыыллара. Билигин таарыйа Аана диэн ааттаах дьахталлары эҕэрдэлииллэр
  • Flag of Peru (state).svg Перу — Сэбилэниилээх күүстэр күннэрэ
  • Flag of Tanzania.svg Танзания — Танганьика Британияттан 1961 сыллаахха тутулуга суох буолуутун бэлиэтиир күн
  • Flag of Sri Lanka.svg Шри-Ланка — Байыаннай байҕал флотун күнэ

Түбэлтэлэр

  • 536 — Византия-гот сэриитин кэмигэр Велизарий салайар Византия (Илин Рим импиэрийэтэ) аармыйата Рим куоратын остготтартан былдьаабыт. Варвардар 60 сыллаах Рими баһылааһыннара түмүктэммит.
  • 730 — Мардж-Ардебиль аттынааҕы кыргыһыы: Хазаардар Омейяд аармыйатын урусхаллаабыттар уонна баһылыктарын Аль-Джарра ибн Абдаллах Аль-Хаками диэн киһини өлөрбүттэр.
  • 1824 — Аякучо таһынааҕы сэриигэ Испания колонизатордарын аармыйатын кыайан Перу тутулуга суох буолбут.
  • 1905 — Бастакы Арассыыйа өрөбөлүүссүйэтин саҕана Красноярскайга оробуочайдар уонна саллааттар дьокутааттарын сэбиэтэ Красноярскай өрөспүүбүлүкэтин биллэрбит. Ахсынньы 27 күнүгэр ыраахтааҕы сэриилэрэ куораты хонтуруолга ылбыттара, өрө турааччылары төгүрүйбүттэрэ, өссө аҕыс хонугунан бэриннэрбиттэрэ.
    • Франция сокуонунан сыаркабы судаарыстыбаттан араарбыт.
  • 1917 — Кырыым татаардарын Курултаайа Кырыым норуот өрөспүүбүлүкэтин биллэрбит.
  • 1941 — Елец уонна Венев куораттар ньиэмэстэртэн босхоломмуттар.
  • 1950 — Тымныы сэрииАХШ атомнай буомбатын оҥорбут Манхэттэн бырайыагын кистэлэҥнэрин Сэбиэскэй Сойууска арыйарга көмөлөспүт Гарри Голд 30 сыллаах түрмэ хаайыытыгар ууруллубут.
  • 1968 — Сан-Францискоҕа Дуглас Энгелбарт аан бастаан киэҥ араҥаҕа көмпүүтэр мышкатын уонна гипертиэкиһи көрдөрбүт.
  • 1987 — Палестинаҕа бастакы интифада саҕаламмыт.
  • 1990 — Лех Валенса быыбарга кыайан Польша аан бастакы быһа куоластааһынынан талыллыбыт бэрэсидьиэнэ буолбут.
  • 2016 — Соҕуруу Кэриэйэ бэрэсидьиэнигэр Пак Кын Хега дойду түмэнэ импичмент биллэрбит. Төрүөтэ — удаҕан дьүөгэтигэр судаарыстыба кистэлэҥнэрин арыйара, суолталаах быһаарыы ыларыгар кинини кытта сүбэлэһэрэ, ону таһынан кини сүбэтинэн бэрик ыла сатаабыта биллибит. Былаастан туоратыллан баран бу дьахтар сууттаммыта, 25 сыл хаайыыга ууруллубута.

Төрөөбүттэр

Өлбүттэр

Следите за самым важным и интересным в Telegram-канале и WhatsApp-группе ЯСИА
3
0