Ахсынньы 3 күнүттэн, Саха сирин баһылыга Айсен Николаев ыйааҕынан, Роспотребнадзор спортивнай тэрээһиннэри көҥүллээтэ. Күрэхтэһиилэр көрөөччүлэрэ суох ыытыллыахтара, диэн Саха сирин спордун министиэристибэтин пресс-сулууспата иһитиннэрдэ.
«Саха Өрөспүүбүлүкэтин физическэй култуураҕа уонна спорка министиэристибэтин биир кэлим халандаарнай былааныгар киирбит спортивнай күрэхтэһиилэрэ көрөөччүлэрэ суох ыытыллыахтара«.
Күрэхтэһиилэргэ толору быһыыны ылбыттары эбэтэр ыалдьан баран үтүөрбүт эрэ спортсменнары кытыннарыахтара, судьуйалартан уонна тэрийээччилэртэн эмиэ QR- код ирдиэхтэрэ. 18- гар диэри саастаах оҕолору 48 чаас устата үлэлиир (ПЦР) тест түмүгүнэн киллэриэхтэрэ», — диэн спорт миниистирэ Иннокентий Григорьев бэлиэтээтэ.
Билигин сыл бүтүөр диэри ыытыллыахтаах тэрээһиннэр халандаардарын наардыы сылдьаллар. Толору испииһэк Саха Республикатын физическэй култууратын уонна спорка министиэристибэтин сайтыгар бэчээттэниэҕэ.
This post was published on 03.12.2021 19:01 19:01