Ахсынньы 25 күнэ. Католическай Ороһооспо күнэ - Бикипиэдьийэ

Бэлиэ күннэр:

• Григориан халандаарынан Ороһооспо бэлиэтэнэр. Бу күн биһиги эрабыт 4-с дуу 6-с дуу сылыгар Рим импиэрийэтигэр Ирод ыраахтааҕы дойдутугар Иерусалимтан чугас Вифлеем диэн кырачаан куорат аттыгар кэлин Иисус Христос диэн ааттаммыт киһи төрөөбүт.
• Британия — Елизавета II ыраахтааҕы Холбоһуктаах хоруоллук олохтоохторугар үгэс буолбут тыл этэр күнэ.
• Кытай — Конституция күнэ.
• Мозамбик — Дьиэ кэргэн күнэ.
• Пакистаан — Куайд-и-Азам күнэ.
• Турция — Газиантеп куорат босхоломмут күнэ (1921).

Түбэлтэлэр:

• 1854 — Ричард Маак эспэдииссийэтин икки бөлөҕүттэн сүрүннэрэ Өлөөн сиригэр Хуриҥда күөлгэ тиийэ сылдьан баран уһун унньуктаах айан кэнниттэн төннөн иһэн Чуона өрүс төрдүгэр тиийбит. Бу кэнниттэн тохсунньуга Павловскай учуутал салалталаах бөлөҕү кытта Сунтаарга холбоспуттар.
• 1903 — Илин Сибииргэ көскө сылдьан «Искра» хаһыаты тарҕаппытын иһин өрөбөлүссүйэниэр Иван Бабушкины өссө ыраатыннаран Дьокуускайга аҕалбыттар. Салгыы Үөһээ Дьааҥы уокуругар утаарбыттар. Онно 1905 сыллаахха амнистия биллэриллиэр диэри олорбута.
• 1905 — Новороссия өрөспүүбүлүкэтэ хам баттаммыт.
• 1914 — Александра Яковлевна Овчинникова төрөөбүт, 1963—1980 сс. Саха АССР Үрдүкү Сэбиэтин бэрэстээтэлэ.
• 1917 — Украинаҕа сэбиэскэй былаас олохтоммут.
• 1941 — Керчь-Феодосия десантнай операцията саҕаламмыт.
• 1977 — Израиль премьер-миниистирэ Менахем Бегин Эгиипэт бэрэсидьиэнин Мохаммед Анвар ас-Садаты кытта көрсүбүттэр.
• 1979 — Афганистааҥҥа Сэбиэскэй Сойуус сэриилэрэ киирбиттэр.
• 1991 — Арассыыйа РСФСР диэн аата уларыйан билиҥҥи аатын сүкпүт, Михаил Горбачёв ССРС бэрэсидьиэниттэн уурайбыт.

Төрөөбүттэр:

• 1914 — Александра Овчинникова — Ньурба Тыалыкытыттан төрүттээх түмэт, бэлиитикэ диэйэтэлэ, 1963—1980 сыллардаахха Саха АССР Үрдүкү Сэбиэтин бэрэстээтэлэ.
• 1920 — Дмитрий Красильников (06.03.1985 өлб.) — Чурапчы Мугудайыттан төрүттээх физик-учуонай, Саха космофизикатын оскуолатын төрүттээччилэриттэн биирдэстэрэ.

Өлбүттэр:

• 1761 — Елизавета Петровна, Арассыыйа ыраахтааҕыта.
• 1921 — Саха сиригэр олоро сылдьыбыт нуучча суруйааччыта Владимир Короленко (1853 с.т.) («Макаар түүлэ»).
• 1977 — Чарли Чаплин (1889 с.т.), артыыс, режиссёр, сценарист.
• 1986 — Платон Степанов — Ламутскай (13.11.1920 төр.) — эбээн бэйиэтэ уонна суруйааччыта.
• 2012 — Светлана Николаева — Өрөспүүбүлүкэ норуотун хаһаайыстыбатын үтүөлээх үлэһитэ, 1986 — 1991 сылларга Саха АССР култууратын миниистирэ этэ.
• 1989 — Николае Чаушеску, Румыния 1965 сылтан 1989 сылга дылы баһылыга.