АХШ Киевка байыаннай көмөнү оҥоруутун тохтотор

Хаартыска: ЯСИА саайта

АХШ Украинаҕа байыаннай көмөтүн барытын тохтотор, Америка президенэ Дональд Трамп Киев эйэлээх кэпсэтиигэ кэлиитин көрдөрдө диэн быһаарыар диэри. Ол туһунан Fox News Үрүҥ дьиэ үрдүк сололоох бэрэстэбиитэлигэр сигэнэн иһитиннэрдэ, РИА Новости суруйда.

Телеханаал быһаарарынан, көмөнү тохтотуу букатыннаахтык буоларын туһунан этиллибэт, быстах болдьоххо ыытыллар.

Үрүҥ дьиэҕэ, быһаарыыны комментируйдуулларыгар, АХШ партнердарыгар эйэни ситиһэргэ батыһары эттилэр.

«Президент эйэ баар буоларыгар өйдөбүллээҕин чуолкайдык эттэ. Биһиги партнердарбыт эмиэ ону тутуһаллара биһиэхэ наада», — The Washington Post иһитиннэриини тириэрдэр.

Трамп бэйэтэ эрдэ Украинаҕа байыаннай көмөнү тохтотуу туһунан ыйытыыга чуолкай эппиэти биэрбэтэҕэ, балаһыанньа бу хайысхаҕа олус түргэнник уларыйарын эрэ бэлиэтээбитэ. АХШ президенэ бэлиэтээбитинэн, түргэнник эйэлээх олох буоларын инники күөҥҥэ тутарын эппитэ.

Ааҕыҥ: Зеленскэй уонна Трамп Үрүҥ дьиэҕэ кэпсэтиилэрэ.

This post was published on 04.03.2025 17:14 17:14