«Агротуризм» федеральнайдааҕы бырагыраама куонкурсугар Саха сириттэн үс хаһаайыстыба кытынна

Бэҕэһээ “Агротуризм” федеральнай бырагыраама куонкурсугар Саха сириттэн үс тыа хаһаайыстыбатын табаарын оҥорон таһаарааччы видео-сибээс нөҥүө кыттыыны ылла. Куонкурсу Россия тыа хаһаайыстыбатын министиэристибэтэ ыытар, Москваттан регионнары кытта быһа холбоноллор.

ИП-бааһынай хаһаайыстыба баһылыга Чемезов Руслан Владимирович “Агроусадьба “Быйаҥнаах Изобилие” (Горнай улууһа), СПК “Сайдыы” “Дары крутого Яра реки Индигирка” (Абый улууһа) уонна ИП-бааһынай хаһаайыстыба баһылыга Ионов Сидор Ионович “Экоферма “Лүксүгүн” (Бүлүү улууһа) диэн үлэлэринэн кытыннылар. Ол туһунан тыа хаһаайыстыбатын министиэристибэтэ иһитиннэрдэ.

РФ регионнарыттан барыта 41 хаһаайыстыба кыттар. Куонкурус үс күн ыытыллар. От ыйын 26-27-28 күннэрэ. Сахалар бүгүн кэпсээтилэр. Испииһэги көрдөххө саамай элбэх кыттааччылаах Алтай Өрөспүүбүлүкэтэ буолар.

Түмүк аныгыс нэдиэлэҕэ тахсар.

СИА