Горнай улууһуттан Чемезов Руслан Владимирович бааһынай хаһаайыстыбата уонна Абыйтан ТХПК «Сайдыы» «Агротуризм» федеральнай бырагырааманан грант ылыыга талыы куонкурсугар киирдилэр.
Куонкурсу РФ тыатын хаһаайыстыбатын министиэристибэтэ ыытар. Өрөспүүбүлүкэ баҕалаахтар сайаапкаларын, докумуоннарын түмэн ыытар.
2023 сылга дойду регионнарыттан 250 сайаапка киирбититтэн, 155 бырайыагы куонкуруска аһардыбыттар.
От ыйын 17 — 18 күннэригэр Москваҕа буолар куонкуруска Саха сириттэн Горнай уонна Абый улуустарыттан видеосибээс нөҥүө кыттыахтара, диэн иһитиннэрдэ регион министиэристибэтэ.
Тыа сиригэр агротуризмы сайыннарарга баҕалаах дьоммутугар ситиһиини баҕарабыт, диэн суруйда биэдэмистибэ.
This post was published on 14.07.2023 09:30 09:30