«Агростартап-2023» федеральнайдааҕы бырагырааманан ыытыллар куонкуруска сайаапка тутуута Саха сиригэр түмүктэннэ.
Өрөспүүбүлүкэ улуустарытан барыта 117 сайаапка киирдэ. Ол туһунан тыа хаһаайыстыбатын министиэристибэтин сүөһүнү иитиигэ департаменын исписэлииһэ Петр Татаринов эттэ.
Билигин бастакы түһүмэх — сайаапканан киирбит докумуоннары бэрэбиэркэлээһин ыытыллар. Салгыы куонкурус иккис түһүмэҕэ — бизнес-былааннары көмүскээһин буолуоҕа.
Санатан эттэххэ, быйыл бэрээдэк уларыйбыта, онно олоҕуран 20 пууннаах критерий оҥоһуллубута.
Санаттахха, «Малое и среднее предпринимательство и поддержка индивидуальной предпринимательской инициативы» национальнай бырайыак тыа сиригэр үлэ миэстэтин таһаарыыга, олохтоох дьон тыа хаһаайыстыбатын салааларын тэринэн, сайыннаран, дохуоттаах буолалларыгар ананар.
Саха сиригэр сүрүн хайысханан — сүөһү иитиитэ буолар.
This post was published on 16.06.2023 11:27 11:27