Саха Өрөспүүбүлүкэтин Бырабыыталыстыбатын 112 №-дээх уурааҕынан, бу дьыл ыам ыйын 7 күнүттэн “Агростартап” бырагырааматынан граннары биэрии бэрээдэгэр уларытыы киллэрилиннэ, edersaas.ru суруйар.
Быйыл «Агростартап» грана маннык быһыылаахтык бэриллэр буолла:
– Үүт уонна эт хайысхалаах сүөһүнү иитиигэ көрүллэр грант харчыта 5 мөл. солк. тиийэ үрдэтилиннэ. Атын хайысхаларга 3-түү мөл. солк. көрүллэр;
– Былырыын грант харчыта бүддьүөтү таһынан үбүлээһин быһыытынан бэриллибит буоллаҕына, быйыл субсидия быһыытынан бэриллэр, онон, куонкурус кыайыылаахтара казначействоҕа сирэй счет астарыахтаахтар;
– Нолуок уорганнарыгар кыайыылаахтары регистрациялааһын болдьоҕо 30 хонукка диэри уһатылынна;
— Быраабылаҕа «Бааһынай (фермер) хаһаайыстыбатын тэрийии уонна (эбэтэр) сайыннарыы бырайыага» диэн өйдөбүл эбилиннэ;
Тыа хаһаайыстыбатын министиэристибэтигэр бу нэдиэлэҕэ тэрээһин үлэни саҕалыыр туһунан бирикээс тахсыаҕа итиэннэ куонкуруска докумуоннары тутуу саҕаланыаҕа.